Menningarsögulegur matjurtagarður við Norræna húsið

Nýr matjurtagarður verður til sýnis við Norræna húsið á 17. júní.

Þetta verður fróðlegt fyrir áhugafólk um ræktun nytjajurta.

Ingólfur Guðnason hefur ráðlagt um plöntuval, en hann er margfróður um nýtanlegar jurtir úr íslenskri flóru og erlendar tegundir sem unnt er að rækta hér á landi. Hlakka til að skoða þetta.

Athugasemdir

[Ásgeir Rúnar Helgason, 13.6.2009 kl. 15:23]

Sæl Lilja! Ég er sannfærður um að hægt sé að stunda vel arðbæra ræktun á allavega hollustujurtum í ilhúsum á Íslandi. Það er mikil og stöðug eftirspurn eftir "hollustujurtum" og afurðum unnum úr þeim um alla jörð.

Lifi fjalldrapinn!

[Lilja Sigrún Jónsdóttir, 14.6.2009 kl. 13:14]

Sæll og blessaður Ásgeir.

Ég vildi gjarnan sjá meiri matjurtaræktun bæði innan húss og utan hér á landi, hjá áhugafólki og grænmetisbændum. Ilhús, sem myndu nýta heita vatnið okkar til upphitunar, ættu að vera borðleggjandi og það er ekki annað að sjá en að þar séu sóknarfæri, ég vil nefna spínat, salat og klettasalat sem dæmi um slíka vöru sem innlend framleiðsla annar ekki eftirspurn á. Tækifærin eru örugglega fleiri. Það þarf bara að grípa þau. Þarna er sígandi lukka best og margir sem eru að átta sig á þessum málum.

Með von um góðan gróanda í sumar!